----
قبل أيام شفت إعلان تجاري بجريدة الرآي الصفحه الأولى
يقول الإعلان
بخور وعطور بالأقساط
--
بيت بالأقساط شي طبيعي
سياره بالأقساط شي طبيعي
أجهزه كهربائيه بالأقساط ممكن
لابتوب بالأقساط ممكن
سفر بالأقساط يعني ممكن نطوفها
خدامه بالأقساط يعني ممكن نعديها
بس
بخور وعطور بالأقساط ؟؟؟
معقوله وصلنا لهالمستوى ؟؟
ياترى شنو السبب ؟؟
وين المشكله ؟؟
---
صحيح إن المواطن بسبب ضعف الراتب والغلاء الفاحش موقادر يشتري مستلزماته إلا بالأقساط
لكن ما أعتقد توصل الأمور إلى بخور وعطور بالأقساط
--
!!! مابقى غير الأكل بالأقساط !!!
--
13 comments:
صج بالكويت كل شي يصير
صج الحكومة تبي تفقرنا عشان نطر منها
بس سوري ماني قادر أصدق
الله يسامحك سبقتني
معروف ان شعب الكويت وايد يهتم بالكماليات حتى لو كان دخله محدود و ما يكفيه
لي درجة ان تلقى ناس انبهروا بهالعرض و سووها!
اذا ما دفع المبلغ يسحبون الغرشة منه؟
عندك تاكل لأ
عندك تتبخر إي (:
المشكله ان اكو ناس تبي تعيش جو مو جوها
وبعدين يقولون اسقاط قروض
مالت على البامية بس
فتى الجبل
يبون يخلونك تفكر شلون تاكل وبس
لا صدق وصدق
العرزاله
كلنا واحد ونكمل بعض
7saweya
والله ممكن يسوونها ولومايسوونها ماحطوا هالاعلان
kila ma6goog
يسجبونها ويخلونه بدون ريحه
يعقووبوو
الدور على الاكل
حمودي
الناس لها دور اكيد بالسالفه
يعني إذا الزواج بقرض اجتماعي قيمته أربعة آلاف دينار يسددها المواطن بالأقساط
ما تبونه يحط عطر بأقساط بعد
يصير ليش لا
هالديره كل شي فيها اقساط حتى الحكومه اقساط كل جم شهر حطولك وزير يديد
ديرة اقساط والحسابه بتحسب
الله يستر من باجر
Fahad Al Askr
يبجي يوم والهواء اللي نتنفسه يصير بالاقساط
Eng_Q8
والله صحيح حكومه بالاقساط
كل واحد عقله براسه....يعرف خلاصه
اذا بيشترون بخور بالاقساط
قلعتهم هذا جزاهم واقل من جزاهم
جان زين ما عندهم يسددون الاقساط ..؟؟؟؟
لاتبلشون الحكومه بلشوا البنوك وهالاوادم
اللى ما عندهم عقول
عن عمر بن الخطاب قال:: ما كل ما اشتهتم
اشتريتم....!!!!ء
عدل كلامج يابنت الشاميه
I don't agree with you on this one. Life is not that expensive in Kuwait. The problem is Kuwaitis want to live like Californian millionaires but they can't afford it.
Post a Comment